សៀមរាប៖ នាល្ងាចថ្ងៃអង្គារ ០១រោច ខែចេត្រ ឆ្នាំកុរ ឯកស័ក ពុទ្ធសករាជ២៥៦៣ ត្រូវនឹងថ្ងៃទី៨ ខែមេសា ឆ្នាំ២០២០ មានភ្លៀងធ្លាក់មួយមេធំលាយឡំនឹងខ្យល់កន្ត្រាក់បណ្តាលអោយប៉ះពាល់ផ្ទះប្រជាពលរដ្ឋចំនួន ០២ស្រុក ស្មើនឹង០៤ឃុំ។

 ១. ស្រុកបន្ទាយស្រី រលំផ្ទះប្រជាពលរដ្ឋចំនួន ០១ខ្នង ដែលមានទទឹង ៥មែត្រ បណ្តោយ ៦មែត្រធ្វើអំពីឈើ ប្រក់សង្ក័សី  បណ្តាលអោយខូចខាតទាំងស្រុង នៅភូមិត្បែងលិច ឃុំត្បែង ស្រុកបន្ទាយស្រី ខេត្តសៀមរាប ។

ក. ម្ចាស់ផ្ទះឈ្មោះ ចក់ ភា ភេទប្រុស អាយុ៣២ឆ្នាំ  រងរបួសត្រង់ក្បាលចំនួន០២ថ្នេរ ។

 ស្រុកជីក្រែង ប៉ះពាល់ចំនួន០៣ឃុំ បណ្តាលឲ្យមានការខូចខាតចំនួន ២៧ខ្នងផ្ទះ ( រលំចំនួន ០៥ខ្នងផ្ទះ របើកដំបូល និងបាក់សំយាបចំនួន ២២ខ្នងផ្ទះ តែមិនមានគ្រោះថ្នាក់ដល់មនុស្សទេ។

 ១.ឃុំស្ពានត្នោត ប៉ះពាល់ផ្ទះចំនួន០៤ខ្នងផ្ទះ ( របើកដំបូល ០១ខ្នង និងបាក់សំយ៉ាបចំនួន ០៣ខ្នងផ្ទះ )។

 ២.ឃុំខ្វាវ ប៉ះពាល់ផ្ទះចំនួន ០៣ខ្នង( របើកដំបូលចំនួន ០២ខ្នងផ្ទះនិងរលំចំនួន ០១ខ្នងផ្ទះ ) ។

 ៣ .ឃុំល្វែងឬស្សី ប៉ះពាល់ផ្ទះចំនួន ២០ខ្នងផ្ទះ ( រលំចំនួន ០៤ខ្នងផ្ទះ និងរបើកដំបូលចំនួន ១៦ខ្នងផ្ទះ ) ៕